ladrillo

ladrillo

cast ladrillo

Plural: ladrillos
  1. s m

    Peza de barro cocido ou secado ao sol, de forma rectangular, empregada na construción.

  2. ladrillo agramilado

    Ladrillo prensado que ten as caras maiores fundidas para recibir a masa e evitar que as xuntas queden moi abertas. Emprégase nos paramentos de ladrillo visto.

  3. ladrillo azul/santo/de ferro

    Ladrillo elaborado con arxila rica en cal e óxido férrico, cocido ata a vitrificación que, pola súa dureza, se emprega nas construcións hidráulicas.

  4. ladrillo cadrado

    baldosa.

  5. ladrillo común

    Ladrillo elaborado con barro cocido a temperaturas baixas (900-1.100°C).

  6. ladrillo de cemento

    Ladrillo elaborado por compresión dunha masa a base de area, cemento e cal hidraúlico, que non se somete a cocción.

  7. ladrillo de vidro

    Ladrillo elaborado con vidro que se emprega na construción de paramentos translúcidos, claraboias e outros elementos que permiten o paso da luz.

  8. ladrillo esmaltado/de maiólica

    Ladrillo que ten unha das súas caras cubertas con esmalte. Emprégase con fins decorativos ou hidrófugos.

  9. ladrillo furado

    Ladrillo que ten o seu interior percorrido por canles lonxitudinais.

  10. ladrillo hidrófugo

    Ladrillo que no seu proceso de elaboración inclúe unha capa vitrificada que o fai impermeable.

  11. ladrillo refractario

    Ladrillo elaborado con materiais de alto punto de fusión. Emprégase para revestimentos de fornos.

Palabras vecinas

ladrar ladrido ladrillar ladrillo ladrizo ladro ladroar