ilusión

1. s f

   1. Alegría que se experimenta coa esperanza da realización dalgunha cousa agradable.

   2. Esperanza sen fundamento real.

2. s f

   1. Erro de percepción, de xuízo ou de razoamento que é provocado por unha aparencia.

   2. Erro de interpretación dun dato ou contido sensible ou mental.

3. ilusión monetaria [ECON ]

   Recoñecemento subxectivo da estabilidade do valor do diñeiro sen ter en conta as variacións do seu poder adquisitivo.

4. ilusión óptica [FISIOL/FÍS ]

   Fenómeno óptico que consiste nunha percepción errónea das formas e das dimensións dun obxecto, debido á mala interpretación das imaxes que chegan aos ollos.

Citas

• Os cativos esperaban con ilusión a chegada das vacacións de Nadal
• Viviu toda a vida de ilusións