homólogo -ga

1. adx

   Que corresponde a outro ou que ten as mesmas características ou funcións que outro.

2. adx [BIOL ]

   Aplícase aos órganos de vexetais e de animais que teñen a mesma orixe embriolóxica, aínda que non teñan necesariamente a mesma forma ou a mesma función.

3. adx [MAT ]

   Aplícase aos elementos conectados por algunha relación, algunha correspondencia ou algunha transformación.

4. 1. adx

      Aplícase aos compostos que pertencen á mesma serie homóloga.

   2. serie homóloga

      Serie de compostos que difiren entre eles só no número de grupos metileno e que presentan grupos funcionais idénticos.

5. adx [FÍS ]

   Aplícase aos puntos, ás caras ou ás aristas dun cristal que se poden superpoñer aplicando operacións de simetría de primeira especie.

6. adx [XEN ]

   Aplícase ao grupo de cromosomas dunha célula que teñen a mesma información para os mesmos caracteres, aínda que poden estar representados por alelos diferentes.

Citas

• En circunstancias homólogas eles actuarían de forma diferente, O ministro reuniuse co seu homólogo portugués