ameaza

1. s f

   Acción de ameazar.

2. s f

   Dito ou feito co que se anuncia a intención de lle facer dano a alguén.

3. s f

   Anuncio dun perigo para algo.

Citas

• A pesar das ameazas dos radicais non abandonou a política
• A política económica do goberno supón unha ameaza para a estabilidade do país
• As fortes chuvias destes días constituíron unha ameaza para a celebración das festas patronais
• Os pasaxeiros do avión con destino a un país asiático recibiron ameazas de secuestro

Refranes

• Can ladrador que non ten forza ¡ai, se se descoida!
• Home avisado, medio asoballado.
• Pedrada antes contada, moi poucas veces gañada.
• Pois somos recueiros, no camiño nos atoparemos.
• Quen ameaza e non dá, medo ha.
• ¡XO, que te destrozo, bu a de meu sogro!