gato -ta

1. 1. s

      Animal en que se engloban varias especies de mamíferos da familia dos félidos, da orde dos carnívoros. Presenta cabeza arredondada co fociño curto e orellas redondeadas, ollos grandes con visión binocular, e pelame.

   2. gato caseño/doméstico [Felis catus]

      Gato de coloración diversa e cola máis estreita e puntiaguda.

   3. gato bravo/fero/do monte/montés [Felis silvestris]

      Animal de pelame gris ou pardo, con franxas transversais escuras e cunha liña negra ao longo do dorso, cola grosa e anelada co extremo negro.

   4. gato murador/pescador/rateiro

      Gato caseño que é bo cazador de ratos.

   5. gato salvaxe [Felis silvestris]

      Gato co rabo curto e de pelaxe de cor crema con bandas escuras transversais.

2. s m [ANIMA/ICT ]

   Xénero de peixes, da familia dos esciliorínidos, coa cabeza aplanada e o corpo delgado, de cor gris rosada con manchas circulares escuras.

3. s m [TECNOL ]

   Aparato mecánico ou hidráulico, que se emprega para elevar cargas pesadas.

4. s m

   Ferramenta que consiste nunha barra con dous saíntes, un deles móbil que se aproxima ao outro para apertar e suxeitar entre os dous algunha peza.

5. gato pintado [ANIMAL ]

   Mamífero carnívoro, da familia dos félidos, que presenta a pelame con manchas ovais e raias lonxitudinais negras. É de costumes nocturnos, moi bo gabeador, e extremadamente áxil nas árbores, onde pasa a maior parte do tempo.

6. gato pintado [ANIMAL ]

   Mamífero carnívoro, da familia dos félidos, que presenta o pelame de cor gris terrosa clara con manchas ovais e raias escuras ou negras. É de costumes nocturnos e moi bo trepador e áxil nas árbores.

7. gato salvaxe [ANIMAL ]

   Gato co rabo curto e de pelaxe de cor crema con bandas escuras transversais.

Refranes

• As veces a carne está no prato por falta de gato.
• Bo amigo é o gato, se non rabuñara.
• Cando os gatos lavan a cara, sinal de visita na casa.
• Carne que leva o gato non volve máis ao prato.
• Come o gato o que atopa mal gardado.
• Come o gato o que non topa ben gardado.
• Con fillos, o gato ben caza o rato.
• Facédelle festas á gata e saltaravos á cara.
• Facédelle festas ao gato é rabuñaravos.
• Gata roxa, tal as fai, tal as coida.
• Gata vermeUa, tal as fai, tal as pensa.
• Gato do mes de xaneiro vale un carneiro.
• Máis come o gato dunha ves, que un rato nun mes.
• Mal lle vai aos gatos cando andan aos gorrións.
• Non deites a gata na túa cama nin lle deas couces despois de deitala.
• Non está a carne no garabato por falta de gato.
• O gato leva o mal gardado.
• O gato saca as unllas, cando as ha mester.
• Sempre que botes a gata na cama, ten coidadiño de non mancala nin couceala.