fotografía

1. s f [IND/ARTE ]

   Arte e técnica de obter, por medio da luz ou doutras radiacións electromagnéticas e de substancias químicas, imaxes permanentes dun obxecto, sobre superficies convenientemente preparadas.

2. s f

   Reprodución dunha imaxe mediante este procedemento.

3. s f

   Representación ou descrición de algo ou alguén que semella unha fotografía.

4. fotografía aérea [XEOG ]

   Fotografía vertical ou oblicua da superficie terrestre que se obtén desde un avión ou nave espacial.

Citas

• A novela é unha fotografía distorsionada deses acontecementos históricos
• Abriron unha tenda de fotografía na miña rúa
• Garda as fotografías da viaxe no álbum