filtro

1. 1. s

      Corpo poroso a través do que se fai pasar un fluído para que permanezan retidas as partículas sólidas que este ten en suspensión.

   2. s

      Peza en forma de tubo, normalmente elaborada en materiais sintéticos, onde se encaixa o cigarro, que filtra o fume.

   3. s [QUÍM ]

      Aparato que se emprega na filtración.

   4. filtro de aceite

      Aparato que se emprega para filtrar e rexenerar o aceite de lubrificación dos motores de combustión.

   5. filtro de aire

      Aparato que se emprega para eliminar as impurezas contidas no aire da combustión dos motores.

   6. filtro de combustible

      Aparato que se emprega para eliminar as impurezas que contén o combustible dun motor de combustión.

   7. filtro de membrana [MICROB ]

      Membrana artificial de porosidade determinada que se utiliza para separar ou reter microorganismos, partículas ou moléculas dun tamaño determinado.

2. s m

   1. Dispositivo ou calquera materia que permita o paso dunhas radiacións ou frecuencias determinadas.

   2. [TECNOL ]

      Dispositivo ou circuíto cuadripolar que se emprega para seleccionar sinais de frecuencias diferentes, consistente nunha liña artificial capaz de transmitir sen dificultade os sinais dunha banda de frecuencia e de atenuar os doutras frecuencias.

   3. [FÍS/LING ]

      Dispositivo empregado en espectrografía que permite o paso dunha gamma frecuencial específica para analizar fisicamente a onda composta da fala.

3. 1. s

      Accesorio de cristal ou plástico que se lle engade ao obxectivo para alterar a calidade ou a cor dunha imaxe.

   2. factor de filtro

      Número polo que se debe multiplicar a lectura de exposición sen filtro para conseguir a mesma exposición cando se emprega este.

   3. filtro neutro

      Filtro gris empregado para corrixir os niveis de luz nas cámaras con abertura fixa ou para poder empregar unha grande abertura cunha luz moi intensa.

   4. filtro polarizador

      Filtro que pode bloquear ou crear luz polarizada.

   5. filtro UV

      Filtro que absorbe as lonxitudes de onda ultravioleta eliminando a néboa.

   6. filtros de contraste

      Filtros para películas de branco e negro que se empregan para escurecer ou aclarar cores concretas e proporcionar un maior contraste.

   7. filtros de conversión de cor/equilibradores da cor

      Filtros que se empregan para axustar o tipo de película coa fonte de luz.

   8. filtros de corrección

      Filtros pálidos empregados para corrixir dominantes da cor.

4. s m p ext

   Elemento ou medio que ten a facultade de filtrar.

5. s m [LING ]

   Resoador fisiolóxico que, ao intensificar diversas frecuencias de onda complexa procedentes da larinxe, determina a disposición relativa dos formantes constitutivos e, con iso, o timbre característico de cada realización fonemática.

Citas

• Cambioulle o filtro á cafeteira
• Tiveron que salvar moitos filtros administrativos ata que lle admitiron a reclamación, Naqueles tempos moitos libros non pasaban o filtro da censura