explosión

1. 1. s [QUÍM/FÍS ]

      Liberación brusca e violenta dunha certa cantidade de enerxía química, debido á transformación moi rápida do equilibrio físicoquímico dunha substancia ou dun conxunto de substancias, que se manifesta na produción dunha gran cantidade de calor e gases.

   2. explosión nuclear [FÍS ]

      Reacción de fisión ou de fusión nuclear moi rápida, acompañada da liberación dunha gran cantidade de enerxía térmica.

2. s f

   Manifestación espontánea e violenta dun estado de ánimo.

3. s f [ECOL/DEMOG ]

   Incremento súbito da poboación dun territorio a partir de elementos preexistentes.

4. s f

   1. Liberación, normalmente brusca, da corrente de aire nunha articulación calquera, sobre todo consonántica.

   2. Terceiro e último momento que se distingue na articulación dunha consoante oclusiva.

   3. Barra característica, de desenvolvemento vertical e de moi pouca duración, que aparece nos espectrogramas como resultado dunha explosión consonántica.

Citas

• As súas explosións de alegría son moi frecuentes cando está cos amigos