estación

1. s f

   Cada un dos períodos nos que se divide o ano.

2. s f

   Lugar onde un vehículo recolle e deixa mercadorías e viaxeiros.

3. 1. s

      Centro ou conxunto de instalacións dedicadas a determinadas actividades ou a realizar estudos de investigación, normalmente de carácter científico.

   2. estación alpina/invernal/de esquí/de montaña

      Localidade de montaña en que se construíu ou habilitou un conxunto de instalacións dedicadas á práctica de actividades deportivas invernais, especialmente pistas de esquí, así como os equipamentos e infraestruturas necesarias para o acceso aos servizos e o aloxamento dos usuarios.

   3. estación de servizo

      Lugar onde se subministra combustible aos automóbiles.

   4. estación espacial [COSMON ]

      Nave espacial de concepción modular, situada en órbita permanente, destinada á experimentación en condicións de baixa gravidade e durante períodos prolongados.

   5. estación meteorolóxica [METEOR ]

      Instalación dotada de instrumentos destinados á obtención de rexistros cuantitativos dos fenómenos meteorolóxicos.

   6. estación orbital [COSMON ]

      Nave espacial colocada en órbita para ser utilizada como hábitat de sucesivas tripulacións espaciais que chegan mediante naves de transporte e que permanecen nela durante un tempo prolongado.

   7. estación transformadora [ENX ]

      Instalación fixa para a conversión de tensión de corrente alterna e a distribución desta para o consumo.

4. s f [BOT/XEOG ]

   Conxunto de factores que actúan sobre os vexetais nunha localidade concreta.

5. s f [RELIX ]

   Cada unha das 14 escenas que conmemoran o camiño de Xesús coa cruz cara ao calvario.

6. estación arqueolóxica [ARQUEOL ]

   xacemento.

7. estación dos planetas [ASTRON ]

   Punto do camiño aparente que percorren os planetas respecto ás estrelas fixas, en que o seu movemento parece deterse e que se produce cada vez que o planeta pasa do movemento planeta ao retrógrado, ou viceversa.

Citas

• No outeiro hai unha estación repetidora de telefonía

Refranes

• Da cereixa ao cimón ben che vai, pión; do cimón á cereixa xa me dara-la queixa.