ensino

1. s m

   Acción e efecto de ensinar.

2. s m

   Profesión que consiste en ensinar.

3. s m

   Conxunto de materias que se ensinan.

4. 1. s

      Sistema e método de educar e instruír.

   2. ensino infantil/educación infantil

      Ensino que non é obrigatorio e abrangue dous ciclos: o primeiro, desde o nacemento ata os 3 anos, e o segundo, desde os 3 aos 6 anos.

   3. ensino primario/educación primaria

      Ensino que ten carácter obrigatorio e abrangue desde os 6 ata os 12 anos. Configúrase en tres ciclos de dous cursos cada un.

   4. ensino secundario/educación secundaria

      Ensino que abrangue o Ensino Secundario Obrigatorio (ESO) e mais o Ensino Secundario non Obrigatorio (ESNO). A ESO completa o ensino primario e abrangue catro cursos académicos (dos 12 aos 16 anos). Ao rematar a ESO (16 anos) conclúese o período de estudos básicos e obrigatorios e pódese acceder ao ESNO. Este inclúe dous cursos académicos (dos 16 aos 18 anos) de bacharelato ou de formación profesional específica de grao medio.

   5. ensino superior/educación superior

      Ensino que abrangue o ensino universitario/educación universitaria e outras institucións que outorgan cualificacións profesionais. Os estudos universitarios poden ser de primeiro, segundo e terceiro ciclo, que conducen respectivamente á diplomatura, licenciatura e doutoramento.

Sinónimos

Refranes

• A un cego mal se lle pode ensinar o camiño.
• Ninguén naceu ensinado.