elefante -ta

elefante -ta

lat elĕphānte gr ἐ λέ ϕ ας -αντος

Plural: elefantes Masculino: elefante Masculino plural: elefantes Feminino: elefanta Feminino plural: elefantas
    1. s

      Mamífero, da familia dos elefántidos, de ata 4 m de altura, que constitúe o maior animal terrestre do Cuaternario. Ten cabeza grande, pescozo curto, orellas grandes, ollos proporcionalmente pequenos e extremidades grosas. A característica máis importante é a trompa, que cumpre as funcións respiratorias, sensitivas, de absorción e de prensión. Na boca, ademais dos molares, destaca o cabeiro, que se sitúa na mandíbula superior e que lles serve como arma e instrumento para alimentarse.

    2. elefante asiático [Elephas maximus]

      Elefante, da familia dos elefántidos, de fronte abombada, lombo arqueado, orellas pequenas en comparación coa cabeza e cabeiros só no macho. Tamén se caracterizan por presentar no extremo da trompa unha soa dixitación.

    3. elefante de bosque [Loxodonta cyclotis]

      Elefante, da familia dos elefántidos, de ata 2,5 m de altura, con mandíbula longa e estreita e orellas redondeadas. Os cabeiros, presentes nos dous sexos, son máis rectos e longos ca os do elefante de sabana e o marfil ten unha lixeira coloración rosa.

    4. elefante de sabana [Loxodonta africana]

      Elefante, da familia dos elefántidos, de ata 4 m de altura, con mandíbula pequena e ancha e orellas apuntadas.

  1. elefante mariño [ANIMAL ]

    Mamífero carnívoro mariño pertencente ao xénero Mirounga, da familia dos fócidos, de corpo de cor cinsenta hidrodinámico e extremidades en forma de aleta, sen orellas. Presentan unha grosa capa de graxa, aliméntanse de peixes e cefalópodos e os seus principais depredadores son as grandes quenllas e as candorcas. Para reproducirse instálanse na costa.

  2. s m [MAR ]

    Caderna máis grosa do casco dunha embarcación.