correlación

1. s f

   Relación recíproca ou mutua entre dúas ou máis cousas ou unhas con outras.

2. s f [MAT ]

   Grao de interdependencia entre diversas variables.

3. 1. s

      Fenómeno fonolóxico segundo o que se vinculan dúas ou máis entidades fonemáticas en relación cun determinado trazo pertinente.

   2. correlación gramatical

      Interrelación que se dá entre dous ou máis elementos dunha oración: a existencia dun condiciona a do outro.

   3. correlación temporal

      consecutio temporum.

4. s f [LIT ]

   Figura retórica de repetición que consiste na correspondencia sintáctica ou semántica entre os membros de dous ou máis conxuntos de elementos dispostos de maneira similar.

5. s f [ESTRATIG ]

   Relación entre os estratos, que pode ser litostratigráfica, baseada na composición petrográfica e na posición estratigráfica dunha unidade, e biostratigráfica, baseada na existencia de fósiles correlativos.

Citas

• Dáse unha óptima correlación entre os puntos de vista de ambos os dous, Non existe ningunha correlación entre esta acción e a que levou a cabo o presidente