corazón

1. 1. s [ANAT ]

      Músculo que constitúe o órgano motor do aparato circulatorio dos vertebrados e de moitos invertebrados, que nos seres humanos aparece situado na parte esquerda da cavidade do peito.

   2. corazón artificial [MED ]

      Aparato que serve para establecer unha circulación extracorpórea, empregado en intervencións cirúrxicas nas que se precisa poder acceder ao corazón mentres este permanece sen funcionar.

2. s m

   Figura que presenta a forma dese órgano.

3. s m

   1. Órgano considerado como sede dos sentimentos.

   2. Órgano considerado como sede da coraxe.

4. s m

   Parte central ou esencial dunha cousa.

5. s

   1. Un dos catro paus das cartas francesas, que leva gravados corazóns.

   2. Carta deste pau.

6. corazón de vía [TRANSP ]

   Punta que forman dous carrís de vías diferentes, nas encrucilladas e nos cambios de vía, no punto onde se cortan, para dar paso á pestana da roda.

7. corazón pulmonar [PAT ]

   Sobrecarga hemodinámica do ventrículo dereito que aparece como consecuencia de enfermidades que alteran o funcionamento e a estrutura do pulmón, con hipertensión do círculo menor.

Confrontaciones

Citas

• Comeu un corazón de chocolate da caixa
• Prepararon para comer un repolo de corazón
• Puxéronlle moita forza e corazón pero non foron quen de superar a proba
• Temos que acceder ao corazón da computadora para arranxala
• Ten un corazón de pedra por abandonala sen darlle explicacións

Refranes

• Corazón forte ao seu dono leva á morte.
• O corazón non fala pero adiviña, anque cala.
• O corazón nunca se engana.