convenio

1. s m

   1. Aquilo que se acorda entre as partes de maneira formal, particularmente entre institucións.

   2. Texto no que se recollen as resolucións que se acordaron.

2. s m [DER ]

   Acordo de dúas ou máis vontades tendentes á creación dun vínculo xurídico.

3. s m [DER ]

   Negocio xurídico entre aquela persoa que vai presentar suspensión de pagamentos, ou que o fixo infrutuosamente, e os seus acredores, que foi aceptado por acordo maioritario dos acredores e aprobado polo xuíz.

4. convenio colectivo [DER ]

   Acordo escrito entre os representantes dos traballadores e os dos empresarios, que ten como obxectivos a regulación das relacións entre eles, a fixación das condicións laborais ás que se deberán axustar os contratos individuais de traballo e a determinación das condicións de traballo nun ámbito determinado.

5. convenio de colaboración [DER ]

   Acordo celebrado entre o goberno do Estado e os órganos de goberno das comunidades autónomas, ou entre estas entre si no ámbito das súas respectivas competencias.

6. convenio económico [DER ]

   Acordo escrito entre o Estado e unha comunidade autónoma cando esta goza de autonomía para manter, establecer e regular o seu réxime tributario.

7. convenio internacional [DER ]

   Acordo de vontades celebrado entre suxeitos de dereito internacional e destinado á produción de efectos conformes ás normas xurídicas internacionais.

Sinónimos

Citas

• Marrocos e España asinaron un convenio en materia de emigración
• Redactei xa o convenio para que ninguén modifique os seus puntos