condensación

Acción e efecto de condensar ou condensarse.

Paso dunha substancia do estado de vapor a un estado condensado, é dicir, ao estado líquido ou sólido.

Aumento de densidade.

Proceso en que se unen as dúas moléculas que van reaccionar.

Proceso inconsciente que se produce durante o sono que, segundo a psicanálise, consiste nunha refundición de pensamentos ou contidos latentes nun só contido manifesto.

Proceso que ten lugar durante a división celular e que leva ao empaquetado da cromatina interfásica en cromosomas metafásicos.

Corpúsculos sobre os que se inicia a condensación de vapor de auga atmosférica en forma de gotas, cando o grao higrométrico é suficientemente alto pero non chega á saturación.