comunidade

1. s f

   Calidade do que se posúe entre varios.

2. s f

   Reunión dos que viven en común.

3. 1. s [SOCIOL ]

      Grupo social caracterizado por un vínculo territorial e de convivencia ou por unha afinidade de intereses e de conviccións ideolóxicas, sociais, políticas ou relixiosas.

   2. s [RELIX ]

      Membros dunha igrexa particular que pertencen a unha orde determinada e viven nun convento.

   3. s [HIST ]

      Unión, baixo un réxime administrativo común, dunha cidade ou vila coas poboacións situadas no seu termo.

   4. comunidade autónoma [ADM ]

      Entidade dotada de autonomía política na que se constitúen as nacionalidades e rexións de España para o exercicio do dereito de autogoberno que lles recoñece a Constitución de 1978.

   5. comunidade científica

      Grupo de investigadores e científicos de calquera disciplina ou especialidade ou dun determinado ámbito xeográfico.

   6. comunidade de bens [DER ]

      Propiedade ou dominio dunha cousa ou dereito, compartida entre diversas persoas.

   7. comunidade de bens [DER ]

      Forma de organización do patrimonio da sociedade conxugal, que se caracteriza por agrupar nunha masa común todos ou unha parte dos bens e propiedades dos cónxuxes de modo que as rendas se destinen a soportar os gastos do matrimonio.

   8. comunidade de montes

      Forma de organización dos montes veciñais en mancomún de Galicia.

   9. comunidade de pastos [DER ]

      Situación de copropiedade respecto aos pastos dos terreos de varios propietarios de fincas rústicas.

   10. comunidade de propietarios [DER ]

       Situación de copropiedade respecto a un ben moble ou inmoble, que se caracteriza pola existencia dunha pluralidade de persoas en relación á propiedade do obxecto. Os copropietarios teñen dereito a dispor da súa parte, que poden vender ou hipotecar.

   11. comunidade de regantes [DER ]

       Corporación de dereito público que, baixo tutela administrativa, exerce a administración das augas públicas para rego.

   12. comunidade educativa [EDUC ]

       Conxunto formado por todos os axentes e colaboradores do proceso educativo, especialmente referido aos pais, profesores e alumnos.

   13. comunidade internacional [DER ]

       Unión libre dos estados e demais suxeitos de dereito internacional baseada na idea de solidariedade e que intenta resolver por medios pacíficos os conflitos de intereses internacionais.

   14. comunidade linguística [LING ]

       Grupo social no que os seus membros teñen consciencia de usar e relacionarse co mesmo sistema lingüístico.

   15. comunidade terapéutica [MED ]

       Unidade hospitalaria na que o enfermo se converte en parte activa da comunidade, polo que intervén en tarefas de organización asistencial.

4. s f [ECOL ]

   Conxunto de organismos de especies diferentes que habitan un contorno común e interaccionan mutuamente.

Sinónimos

Citas

• A superiora da comunidade de monxas estableceu o horario de visitas do convento
• As obras fixéronse pensando en toda a comunidade de veciños
• Hai que traballar polo ben da comunidade
• Os dous teñen a mesma comunidade de ideas