civil

1. adx

   Relativo ou pertencente aos cidadáns e ás relacións establecidas entre si cos seus concidadáns no seo do Estado do que forman parte.

2. adx

   1. Que pertence á xeneralidade dos cidadáns, por oposición a militar ou eclesiástico.

   2. causa civil [DER ]

      Proceso xudicial no que se debaten intereses relacionados co dereito civil.

   3. desobediencia civil [DER ]

      Actitude de desafío á autoridade que pode expresarse na obxección ao cumprimento da lei vixente e na aceptación voluntaria da sanción que esta obxección comporta.

   4. estado civil [DER ]

      Condición de cada persoa en relación coas situacións tipificadas como fundamentais na organización civil da comunidade e que afecta á súa independencia xurídica e á súa capacidade de obrar.

   5. gobernador civil [ADM ]

      Órgano da administración periférica do Estado de ámbito provincial ao que corresponde a dirección superior dos servizos estatais na provincia e, entre outras competencias, o exercicio da xefatura superior dos Corpos e Forzas de Seguridade do Estado na provincia.

   6. responsabilidade civil [DER ]

      Deber xurídico que incumbe ás persoas físicas e xurídicas de responder do feito realizado e de sufrir as súas consecuencias xurídicas, formalizadas nas indemnizacións polos danos e prexuízos materiais e morais producidos.

   7. sociedade civil [DER ]

      Contrato polo que dúas ou máis persoas acordan contribuír en común con bens ou servizos coa finalidade de repartir entre si as ganancias.

   8. sociedade civil [POLÍT ]

      Ámbito das relacións entre individuos, grupos e clases sociais que se desenvolve fóra das relacións de poder que caracterizan as institucións estatais.

Citas

• Casaron nunha voda civil, É raro velo co uniforme, case sempre leva roupa civil
• Demostraron unhas boas actitudes civís, É moi autoritorio e non consegue ter un comportamento civil
• Está regulado no código civil
• Non todos os países gozan dos mesmos dereitos civís