celo

1. s m

   1. Coidado que se pon no cumprimento das obrigas.

   2. Interese en favor dunha persoa, dunha idea ou dunha causa.

2. s m

   1. Excitación sexual periódica que se manifesta, sobre todo, nos vertebrados, principalmente nas femias, e que coincide co período de estro do ciclo ovárico.

   2. Época en que están neste estado.

3. s m pl

   1. Sentimento receloso do que teme que outra persoa poida ser preferida a un mesmo.

   2. Enveza que se ten de que un competidor goce dalgunha cousa que un desexa.

Citas

• Defendeu as súas ideas políticas con moito celo
• Este ano á gata duroulle pouco o celo
• Fixo o traballo con moito celo, Sempre pon moito celo cando ten que coidar o meniño
• No agosto tivemos que levar a cabra ao macho porque estaba en celo
• Sempre lle daba celos co seu mellor amigo, Morría de celos porque agora tiña un novo irmán
• Tiña moitos celos do corredor que chegara en primeiro lugar

Refranes

• Amor e celos, irmáns xemelos.
• Onde hai celeira, hai amor, hai dor e hai rabieira.
• Onde hai celos hai amor, onde hai vellos hai dor.