cátedra

1. s f

   Asento colocado nunha plataforma ou púlpito, desde onde os profesores lían ou explicaban maxistralmente unha ciencia ou unha arte aos seus alumnos.

2. s f

   Cargo que exerce un catedrático.

3. s f

   Disciplina que é obxecto de estudo e investigación na universidade, recoñecida oficialmente e dirixida por un catedrático.

4. s f [RELIX ]

   Asento con espaldeira ou dosel, ocupado polo bispo no presbiterio. É o símbolo do maxisterio oficial da Igrexa.

5. s f [RELIX ]

   Cargo ou dignidade pontificia ou episcopal.

6. cátedra de san Pedro [RELIX ]

   Monumento de bronce, situado na igrexa de San Pedro, onde se presupón que sentou este apóstolo.

Citas

• A cátedra de medicina deu a coñecer as novas investigacións sobre a enfermidade
• Desempeña a cátedra dende hai moitos anos