antimonio

< lat tardío antimonĭum
Pliral: antimonios
  1. s m QUÍM Elemento fundamentalmente metálico, pertencente ao grupo V da táboa periódica. O seu número atómico é 51, e o seu peso atómico 121,75. A única forma estable é a metálica,denominada tamén antimonio gris. Os compostos de antimonio, ademais da súa utilización terapéutica, úsanse como mordente na industria téxtil e en curtidos.
  2. electrodo de antimonio FÍS/QUÍM Electrodo para as medidas de pH de non demasiada precisión, que se emprega para potenciometrías en solventes non acuosos.
  3. fluoruros de antimonio FÍS/QUÍM Compostos que se empregan como catalizadores de substancias orgánicas.
  4. pentacloruro de antimonio QUÍM Líquido utilizado na cloración de compostos orgánicos.
  5. pentasulfuro de antimonio QUÍM Pos alaranxados que se empregan principalmente na vulcanización e coloración do caucho.
  6. tricloruro de antimonio QUÍM Cristais delicuescentes que se empregan como catalizadores, reactivos cualíticos ou para broncear o ferro.
  7. trióxido de antimonio QUÍM Composto que forma a valentinita, que se emprega na industria do caucho e do plástico para obter compostos non inflamables.
  8. trisulfuro de antimonio QUÍM Composto que forma a estibina, empregado en pirotecnia e como acelerador de vulcanización do neopreno.

Palabras vecinas