negativo

Pliral: negativos
  1. adx Que expresa ou implica unha negación.
  2. adx Que non é positivo, que consiste na negación ou ausencia dunha cousa.
  3. adx Que ten unha actitude inconstrutiva e que se opón a todo.
  4. adx Que non é bo ou útil.
  5. adx LING Aplícase ao termo, partícula ou locución que serve para negar.
  6. adx FÍS
    1. Relativo ou pertencente á electricidade negativa.
    2. Aplícase á electricidade que se produce en corpos como a resina, a ebonita ou o plástico ao ser refregados cun pano.
    3. Aplícase ao polo dun xerador eléctrico que é capaz de subministrar electróns ao circuíto exterior.
  7. adx MAT
    1. Aplícase á dirección, á semirrecta ou á superficie oposta á correspondente positiva.
    2. Aplícase ao ángulo que ten o mesmo sentido que o das agullas do reloxo.
  8. adx MAT
    1. Aplícase ao número ou á magnitude menor que cero.
    2. Aplícase ao signo menos (-) que se emprega para designar os números e as magnitudes negativas e para designar a operación de restar.
  9. s m IMAX Primeira imaxe que se obtén ao facer unha fotografía, onde os tons escuros e claros son opostos aos da realidade fotografada.

Palabras vecinas