globo

< lat globu
Pliral: globos
  1. s m Corpo con forma de esfera ou semellante a ela.
  2. s m Bolsa flexible e de forma esférica, que se incha de aire ou dun gas lixeiro e que se emprega como xoguete.
  3. s m Obxecto esférico de vidro ou doutro material transparente ou difusor que recobre unha lámpada, destinado a repartir e a difundir a luz ou a cambiar a súa cor e que tamén lle serve de protección.
  4. s m IMAX Espazo en branco que se utiliza nos cómics, chistes ou gráficos, para conter as palabras e as expresións dos personaxes.
  5. AERON
    1. globo aerostático Aeróstato sen motor que consiste nun receptáculo que contén un gas máis lixeiro ca o aire en condicións normais, que se eleva por mor da forza ascensional e que pode ir provisto dun habitáculo para levar tripulantes ou instrumentos.
    2. globo sonda Globo libre non tripulado que se emprega para rexistrar datos da atmosfera.
  6. globo celeste/estelar ASTRON Esfera que ten representadas na súa superficie, nunha posición semellante á que ocupan no espazo, as principais estrelas, constelacións e os círculos fundamentais.
  7. globo ocular FISIOL Órgano da vista nos animais superiores. OBS: Tamén recibe a denominación popular de bugallo do ollo.
  8. globo terráqueo/terrestre XEOG Representación cartográfica da Terra sobre unha esfera.

Sinónimos

Citas

  • A explosión produciu un globo de fume
  • O día de festa regaloulles un globo a cadanseu sobriño

Palabras vecinas