estaño

< lat stagnu
Pliral: estaños
  1. s m QUÍM Elemento metálico do grupo IV A da táboa periódica, de número atómico 50 e peso atómico 118,69. É moi dúctil e maleable, e utilízase na industria alimentaria baixo a forma de tubos ou de láminas, para a fabricación de latas e para fabricar numerosas aliaxes.
  2. cloruro de estaño(II)/ estannoso QUÍM Sólido cristalino empregado en tinturaría como axente redutor.
  3. cloruro de estaño(IV)/estánnico QUÍM Líquido incoloro caústico que se emprega como mordente en tinturaría.
  4. óxido de estaño(II)/ estannoso QUÍM Sólido en forma de pos de color marrón escura que se emprega como axente redutor e na preparación de sales de estaño.
  5. óxido de estaño(IV)/estánnico QUÍM Cristais octaédricos, existentes en estado natural en forma de casiterita, que se empregan na obtención de colorantes para a cerámica.
  6. sulfuro de estaño(II)/ estannoso QUÍM Sólido en forma de escamas amarelas ou de pos marróns, que se emprega como catalizador de reaccións de polimerización e para broncear obxectos de xeso.

Palabras vecinas