declaración

< lat declaratĭōne
Pliral: declaracións
  1. s f Acción e efecto de declarar ou declararse.
  2. DER
    1. s f Acto xurídico polo que unha persoa relata o que sabe en relación cuns feitos a un funcionario público ou tribunal.
    2. s f Exposición, feita normalmente por escrito, dos impostos, tributos e feitos impoñibles en xeral.
    3. s f Acto unilateral realizado por un estado destinado a producir efectos de dereito nas relacións internacionais.
    4. declaración de guerra Fórmula de convenio entre estados no que un deles informa da apertura de hostilidades contra o outro.
    5. declaración de inconstitucionalidade Sentenza emitida polo Tribunal Consitucional que declara unha norma, ou parte desta, coma non conforme á Constitución.
    6. declaración falsa Delito contra a administración de xustiza que consiste na alteración da verdade nunha declaración susceptible de producir efectos xurídicos, en particular, no falso testemuño formulado contra o reo en causa criminal.
    7. declaración xurada Manifestación oral, escrita ou mímica, feita baixo xuramento a requirimento da autoridade xudicial ou administrativa, ou de xeito voluntario ante notario.
  3. declaración tributaria/da renda DER Documento que o suxeito pasivo lle presenta á administración tributaria, no que se recollen as circunstancias que constitúen o feito impoñible dun tributo.

Citas

  • Dous meses depois da declaración da enfermidade xa non había cura, Fíxolle unha declaración amorosa ao estilo trobadoresco
  • O acusado prestou declaración perante o xuíz, O tribunal de xustiza tomoulle declaración á testemuña do acusado

Palabras vecinas