calcio

< lat científico calcĭu
Pliral: calcios
  1. QUÍM
    1. s m Elemento metálico pertencente á familia dos alcalinotérreos, situado no grupo II A da táboa periódica, de número atómico 20 e peso atómico 40,08. É o quinto dos elementos máis abundantes na codia terrestre, e está presente en todos os organismos.
    2. bromuro de calcio [CaBr] Sal cálcico de ácido bromhídrico que ten acción sedante sobre o sistema nervioso.
    3. carbonato de calcio [CaCO 3 ] Sólido incoloro que está presente en estado natural en dúas variedades cristalinas, a argonita e a calcita. Emprégase na fabricación de cemento e cal vivo, e na industria química e farmaceútica.
    4. cloruro de calcio [CaCl 2 ] Sólido incoloro e cristalino que se combina formando numerosos hidratos.
    5. fosfato de calcio Sal derivado do ácido fosfórico, que se emprega como fertilizante e como suplemento mineral en penso.
    6. hidroxenosulfito de calcio [Ca(HSO 3 ) 2 ] Sal de calcio, que se emprega principalmente no branqueo téxtil e de papel.
    7. hidróxido de calcio [Ca(OH) 2 ] Sólido cristalino incoloro que como produto industrial aparece en forma de pos brancos coñecidos xeralmente como cal morto.
    8. hidruro de calcio [CaH 2 ] Sólido de cor branca empregado na industria para desecar os aceites de condensadores e transformadores.
    9. hipoclorito de calcio [Ca(ClO) 2 ] Sólido incoloro que xeralmente se obtén en combinación co cloruro, no produto chamado cloruro de cal, pos de branqueo ou pos de gas.
    10. nitrato de calcio [Ca(NO 3 ) 2 ] Sólido branco delicuescente empregado en pirotecnia, explosivos e mistos, e tamén como fertilizante.
    11. óxido de calcio Sólido cristalino, xeralmente presentado en forma de pos brancos amorfos, coñecidos co nome de cal.
    12. pectato de calcio Composto, insoluble en auga, responsable da estrutura e da textura dos vexetais.
    13. sulfato de calcio [CaSO 4 ] Composto que está presente na natureza en forma anhidra (anhidrita), e de dihidrato (xeso).
  2. antagonista do calcio MED Medicamento que actúa moderando a entrada de ións de calcio no interior das células musculares.
  3. bomba de calcio FISIOL Transporte activo, con gasto de enerxía do ión Ca 2+ desde o citosolo ao interior do retículo sarcoplasmático.

Palabras vecinas