"pata"

Cada unha das extremidades de calquera animal.

Cada un dos membros inferiores dunha persoa.

Cada unha das pezas dun moble que o mantén en pé e en equilibrio servíndolle de punto de apoio sobre o chan.

Terminal metálica de diversos compoñentes electrónicos de semicondutores, principalmente circuítos integrados, que permiten fixar o compoñente sobre a placa do circuíto impreso e establecer as conexións eléctricas coas pistas.

Peza de buxo, moi semellante á bisagra, que empregan os zapateiros para alisar e puír as solas do calzado.

Alga, da familia das xigartináceas, que presenta talo vermello e cartilaxinoso e que se pode atopar en rochedos do litoral, onde é moi abundante.

Engurra que, cos anos, se forma ao lado do ángulo externo dos ollos.

Conxunto aponeurótico constituído polos tendóns inferiores do recto interno da coxa, o sartorio e o semitendinoso.

Ave anátida de voo rápido e de femias e machos cunha clara diferenciación por sexos, tendo os machos cores máis rechamantes ca as femias.

1. Ave anátida que mergulla só a metade do corpo á hora de alimentarse e as femias adoitan ser pardas e con pintas.

2. Pato en que o macho ten unha mancha amarelada cruzándolle a cabeza, as ás grises, o dorso máis escuro e o peito e a cabeza castaños.

3. Pato en que o macho ten o ventre branco, bandas escuras nos lados, gris o dorso e coas patas alaranxadas.

4. Pato en que o macho ten a cabeza verde, os lados avermellados e o peito branco, e tanto a femia coma o macho un gran peteiro aplanado.