"Raia"

1. Liña delgada e longa que se traza sobre unha superficie.

2. Marca que queda nunha superficie.

3. Franxa longa e estreita que se diferencia das adxacentes pola cor ou a forma.

4. Sinal que queda ao separar os cabelos ao peitealos, dispoñéndoos a un lado e a outro.

5. Signo de puntuación que consiste nun trazo horizontal máis longo ca o guión.

Límite dun territorio, comarca, rexión ou país.

Pequeno momento en que loce o sol entre dúas chuvieiras.

Límite dunha cousa.

1. Peixe cartilaxinoso que ten o corpo en forma de disco, a cola fina e longa, con dúas pequenas aletas dorsais no extremo, a aleta caudal reducida e a boca con placas dentarias ou pequenos dentes afiados.

2. Peixe, da familia dos raíidos, que presenta un fociño apuntado, marxes anteriores do disco cóncavas e de cor cinsenta con pequenas manchas claras na parte superior.

3. Peixe, da familia dos raíidos, que ten o disco romboidal, coas marxes anteriores onduladas, fociño obtuso e saínte e un dos aquillóns inserido no espazo intermedio.

4. Peixe, da familia dos raíidos, que ten o disco arredondado coas marxes anteriores onduladas, a parte superior do disco de cor acastañada con manchas escuras e puntos brancos, e o fociño obtuso.

5. Peixe, da familia dos raíidos, co disco arredondado lateralmente, de cor acastañada e con dentículos na maior parte da súa superficie.

tremedeira xaspeada.